Facer un Booktuber

 Coa primeira lectura do curso, teredes que facer un "booktuber", polo que a nota aplicarase na parte de nota da expresión oral.

 

Non fagas un booktuber dun libro que non acabases ou que non che gustase. O obxectivo é contaxiar a outras persoas as ganas de lelo. Tenn que se notar que entendiches o libro e que che gustou para conseguir que haxa alguén que queira lelo. 

Prepara un guión do que vaias dicir e ensaia. Non se trata de que aprendas de memoria un guión e moito menos de que o leas, aínda que podes telo fóra do alcance da cámara. No guión podes poñer os apartados que vais comentar, algúns apelidos, lugares onde de desenvolve a acción... Depende da memoria que teñas e da complexidade do lbiro.

Para ensaiar, grávate co móbil mentres o comentas. É habitual que o fagas no teu cuarto: fai probas do encadre, a túa posición, da luz...

Ti decides o que vas contar. É recomendable que vexas algúns exemplos de "booktubers" famosos. Pero o ideal é que sexas orixinal e organices a explicación ao teu xeito. As partes básicas do comentario son a análise do libro e a valoración.
Un booktuber deberá incluír  os seguintes contidos (non todos son estritamente necesarios):

a) Presentación do booktuber, normalmente humorística

b) Presentación do libro (ensinándoo a cámara), datos técnicos e aspecto externo do libro.

c) Razóns para ler o libro. Por que o escolliches?

d) Breve resumo (sen spoilers, contando para “enganchar” ao futuro lector)

e) Narrador: quen conta a historia

f) Protagonistas: descríbeos brevemente con sentido del humor.

g) Época: cando se escribiu o libro e en que época se desenvolve

h) Lugares. Transmite a atmosfera que se crea no relato.

i) Estilo: cómo está escrito. Hai que comentar se é fácil de ler ou non...

j) Valoración persoal: que é o que máis che gustou, con sinceridade. Podes mesmo poñerlle nota.

k) Remata coas recomendacións, indicando a quen cres que pode gustar máis o libro.

 

 O vídeo está feito para non aburrir. Lembra que debes falar claro, vocalizar, con ton alto pero sen berrar, nin demasiado lento nin demasiado rápido. O vídeo deber ter un mínido de 2 minutos e un máximo de 5.

O obxectivo é espertar o interese por ler o liro. Non contes nunca o final, aínda que si dar algunhas pistas con sentido do humor para espertar as ganas de ir por el.

Como facer un vídeo

Consellos á hora de gravar:

1. A cámara de vídeo, o móbil ou tableta deben estar estabilizados cun trípode ou apoiados nun lugar de xeito que a imaxe non baile e en posición horizontal.
2. A luz é fundamental, condiciona a percepción do que se ensina, ten en conta que tes que ter a luz de fronte, isto é, por detrás da cámara e nunca detrás túa.
3. O son debe ser limpo sen ruídos de fondo, neste tipo de vídeos é moi importante que se entendan ben as túas palabras.
4. O fondo, isto é, o que se ve detrás túa, debe estar ben pensado e non ao chou. Ti es libre de escoller calquera fondo pero nunca pode conter distraccións para o espectador ou elementos que non falen positivamente de ti como que se vexa o cuarto desordenado, etc. A maioría de booktubers realizan os seus vídeos diante dos seus estantes cheos de libros ou sentados nunha mesa de estudo aínda que tamén hai outros máis creativos que gravan tamén en exteriores ou crean fondos falsos onde inclúen as portadas, fotos das escritoras e escritores e outros elementos engadidos mediante edición de vídeo.

Idea! Antes de comezar a realizar a gravación definitiva debes facer sempre unha gravación de proba para comprobar aspectos como voz, luz e fondo.

Podes ver no blogue da nosa biblioteca moitos exemplos, coma este.